طاقات المسئولين و المديرين الإبداعية

مما لا شك فيه الواحد إتعلم حاجات كتيرة قوي من الثورة . أكاد أجزم إن أنا بقيت شخص تاني بعد الثورة حقيقي.طبعا أنا نفس الشخص لكن بداخلي الكلام إختلف.مش حقلب الموضوع جد عشان أنا جاي أهزر النهاردة عموما. لكن من أهم الحاجات اللي اتعلمتها هي إن المصريين عموما كلهم خدعة سينمائية. بمعنى؟ حفهمك بس إصبر إنت معايا بس

المصري كمواطن يعتبر درجة عاشرة. ممكن أقارن مستوى معيشة المصري بالجابون و أنجولا و في حاجات كمان أنجولا تفشخنا فيها زي إن مثلا عندهم النت سريع !طبعا الموضوع ده جانب كبير منه غلطتتنا إحنا و جانب أكبر غلطة الحكومة بس بصراحة يا جماعة الحكومة و المسئولين و المديرين معذورين جدا ! هما أصلا كومبارسات و ممثلين ! هو أي نعم درجته أعلى منك و لو إنت تحت ضرسه حيقرقشك و حيفشخك و يطلع أيماناتك لكن بالمقارنة بالمديرين على مستوى العالم هو غلبان جدا ! يمكن يكون بياخد نفس الفلوس بس الضغوط على المسئول المصري تفوق مستويات الخيال العلمي ! انت متخيل مثلا نفسك بتمثل طول حياتك ؟ أي نعم إنت فعلا بتمثل إنك مواطن محترم عايش في مجتمع محترم متدين و بتمثل إن مصر هبة النيل و أم الدنيا و أفشخانة الأفشخانات و إنك عايش في دولة في حين إن مجتمع قرد البابون و الأميبا كمان فيها رقي عنك!و لكن تصور بقى الضغط النفسي لما تكون بتمثل إنك مدير أو مسئول أو رئيس أو أي حاجة بنت تيت في البلد بنت التيت دي! لأ الضغوط هنا بتكون فوق الوصف معلش ! أنا أكرم عندي و أهون إني أكون كومبارس صغير على إني أمثل إني نجم شباك و أنا في الآخر اريال ! أي نعم اريال ! اريياااااااااال اريييييييااااال هووو هووو !!! معلش لحظة تجلي تسعيناتية

أنا هنا بقى عشان أطرح الأطروحة و أبين المستخبي ! إعتبروني النهاردة دكتور دريمر( أحسن من دكتور فيل و أوحش من دكتور شديد) و نتكلم شوية عالمديرين…المطحونين …الغلبانين…المفشوخين…قوي

بمناسبة التحدث عن مجتمعات قرد البابون. أنا عايز أتكلم على النكاح العلني اللي بقى بيحصل على الملأ على غرار القردة: التحرش . طبعا الكل بيتكلم عن التحرش اللي بيحصل في الشوارع و عالكورنيش و التقفيش و التفعيص و الذي منه بس أنا عايز أتكلم عن اللي بيحصل في المكاتب . المديرين المتحرشين المتحبرشين ! كلنا طبعا شفنا رئيسنا الهمام و هو شغال حبرشة في الحنكولولو لما جاله شد عضلي في دراعه ! الله يعينه بصراحة معذور و كل مديرينا معذورين ! أنا ملاحظ إن فوق ال70% من المديرين و المسئولين المصريين متحرشين . يا راجل ده مفيش أنثى إشتغلت في مصر إلا و حكتلي عالمدير و عمل معاها و سوى معاها ايه . جرى إيه يا مديرين ؟ أنا عارف إنكو حمير و إن ضغط التمثيل و إصطناع الذكاء و الفهلوة بيأثر عالنفسية ! معاكو في دي مفيش كلام ! غير إن معظمكوا في الأصل بيكون وضيع المستوى و الذوق و مراته بتكون قديمة أيام ما كان بيجندل لمديره و بيمسح الجزمة و بيشيل الشنطة و كده ! بس بنات الناس زنبها إيه ؟ طبعا رئيسنا الهمام أنا مقدر ظروفه تماما واضح جدا إن مراته دي من أيام الصياعة في الجماعة مع الزهراوات و كده!ممكن أوي المدام تكون زي ما بيقولو بالإنجليزي “هاي سكول سويت هارت” !و طبعا تم الزواج المبكر على الطريقة الإسلامجية و لما الراجل دلوقتي بقى نجم و رئيس و دي طبعا صفات جاذبة للإناث المزز بس طبعا الوقت عدى و خلاص الراجل كبر و اللي حصل حصل ! و بصراحة هنا بتيجي مشكلة التمثيل تاني فالمدير لازم يمثل إنه محترم . بالتالي بيكون محروم و هيجان زي العيال في إعدادي  اللي آخر تعاملها مع إناث بتكون قبل ما يتفطم ! بس المشكلة بقى إنه سعادته كبير في السن و متزوج ! الحل في مشكلتك بسيط : بطل تمثيل في النقطة دي ! لو سعادتك محروم و نفسك في مزز ظبط مزز ! عايز تتجوز تاني عشان إنت إسلامجي و “محترم” إتجوز و إعدل ! الموضوع سهل عليك إنت مسئول و معاك فلوس كتير و متظبط !عايز تعمل حفلات جنس جماعي و تلبسهم كلهم عوامات و كاوتش عربيات للعوم عشان عندك فانتزي جنسي للموضوع ده من أيام ما كنت بتعمله زمان يلا دوس ! و أنت فكرك المسئولين بره مصر عارفين يبقو باردين ليه ؟ الفرق إن مفيش تمثيل .. غير كمان إنه مش فاضي و فعلا وراه شغل مش زيك .بس أنا مقدر ظروفك

 بمناسبة الفضا و الزهق . أنا مقدر إن معظم مشاكل المديرين و المسئولين المصريين بتيجي أصلا من الزهق . زي ما إتفقنا إحنا أساسا بنمثل إننا مواطنين صالحين و هما بيمثلوا إنهم مديرين و مهمين . طبعا النتيجة الحتمية للتمثيل المصطنع الغير متقن إن بيقول كلام و قرارات عبيطة مالهاش لازمة و في الغالب بيعملها من منطلق عادل إمام ” أهو غلاسة كده”! طبعا الأمثلة كتيرة جدا بس أنا حذكر آخر ما سمعته عشان لسه فرش و طازة ووقع الحكاية لسة في ذهني ! في الماضي القريب طلب مديرين أحد الأصدقاء في مصلحة حكومية(مكتبة الإسكندرية بس متقولوش لحد) طلب غاية في العجب : إملاء إستمارة متخلفة لتحديد المسمي الوظيفي للموظف نفسه ! يعني الموظف يسمي نفسه شغلته إيه!طبعا طلب خارق للطبيعة لإن العيل لما بيتولد حتى أهله بيسموه مش بيسمي نفسه ! بس ماشي ! المهم ملاها و في الآخر خالص مديره بعتله رد بيقول له: على فكرة إسم الإدارة مش (كمثال) شئون البطيخ لأ إسمها إدارة شئون البطيخ !! طبعا الصديق حكالي القصة من غلبه و كان ردي الوحيد هو صوت طويل عميق عتيق سكندري الأصل ! طب يا راجل إنت مدير و كبير في السن و المقام و التواصل ما بينك و بين الموظفين تحت الصفر بعشرين كيلو! لما تيجي تعلق أو تعترض إعترض و إنفش ريشك على شئ يستحق !مش شئ يخللي شكلك تافه و أهبل بالشكل ده ! تحس إن المدير عنده البريود طول الشهر !و للأسف الشديد هو ذكر ! بس برضه حلك معايا و بسيط و حيخللي شكلك محترم في الآخر . إنت أصلا كده كده بتيجي الشغل يومين في الأسبوع و بتيحي ساعتين في اليوم . يعني صايع ما وركش حاجة و محدش يقدر يقوللك بم: روح إتفسح . روح إعمل سنوركلنج في شرم . روح إلعب قمار في فيجاس . لو مثقف ولو إني أشك روح متحف اللوفر في باريس . إنت مرتبك أصلا الشئ الفلاني و مقتدر فضبط نفسك. متقولش بقى البيت و الشغل و الكلام ده . إنت أصلا بتمثل إنك مدير و مراتك و عيالك دول إنت مش طايقهم بس لو عملت اللي بقوللك عليه و تقعد طول السنة متفسح و مضبط نفسك مودك حيكون أفضل و الناس حتحبك أكتر . إنت مش متخيل قد ايه كل الناس بتكرهك و بتشتمك من ورا ضهرك صدقني ! كل المصايب اللي في حياتك اللي بتحصل الناس وراها بتعمل فرح و سبوع و عقيقة كمان ! إرحم نفسك و أهلك شوية

عموما أظن مشاكل الإدارة تنحصر في الفراغ النفسي و الجنسي و بما إننا شعب متدين بطبعه أنا شايف إن علينا واجبات تجاه المسئولين الحكوميين و المديرين الإداريين. إحنا كل ما بنشوفهم بنكون بنشتكي ! لا و كمان بقينا في قمة البجاحة و الصفاقة و ممكن نطلع مظاهرات عشان نسقطهم !!! يا ولاد المرة ! بدل ما تبقوا زبالة كده و مبيطمرش فيك العشرة إبعت لرئيسك الهمام. قول له مقترحاتك عشان يكون مبسوط . و الكبير لازم يتضبط عشان يضبط البلد كلها يا بلد بقر !و مش مهم الشغل . أنا عايز مديرنا يكونوا على الأقل مبسوطين زي مالمديرين برة مصر مبسوطين . و بجد و من غير هزار أنا متأكد إن ده في الآخر حيعود علينا بالنفع ! في أسوأ الفروض لو أستخوبص من ورا مراته و هو مسافر في الهونو لولو و إتقفش من الصور مراته ممكن تقتله و نخلص منه و حيموت و هو مبسوط و مرتاح البال

يا ولاد المرة

دريمر يريد إسقاط النظام

ذكر البابون في موسم التزاوج

Advertisements

One thought on “طاقات المسئولين و المديرين الإبداعية

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s